फाइन आर्टका विद्यार्थी तथा स्नातकोत्तर तहका कलाकारहरूको संयुक्त प्रयासमा “समवेत” नामक कला प्रदर्शनी आयोजना भएको छ। प्रदर्शनीमा मास्टर्स इन फाइन आर्ट (एमएफए) अन्तर्गत अध्ययनरत तथा उत्तीर्ण गरिसकेका २० जना कलाकारका मौलिक सिर्जना राखिएका थिए।
प्रदर्शनीमा चित्रकला र मूर्तिकलाका साथै प्रिन्टमेकिङ, भिडियो आर्ट, इन्स्टलेसन र पर्फर्मेन्स जस्ता नयाँ मिडिया कलाका विधाहरू पनि समेटिएका थिए। आयोजकहरूका अनुसार फरक-फरक सोच र पृष्ठभूमि भएका कलाकारहरूलाई एउटै मञ्चमा ल्याई सिर्जनामार्फत अन्तरसंवाद गराउनु यस प्रदर्शनीको मूल उद्देश्य थियो। यो प्रदर्शनी असार १७ देखि २० गतेसम्म सर्वसाधारणका लागि खुला रहेको थियो।
